Gjermania vendos kufizime shtesë – Nga sot ndalohen udhëtimet nga shtetet me variantet e reja të virusit

Gjermania njoftoi kufizimet e hyrjes për udhëtarët nga Britania, Irlanda, Brazili, Portugalia dhe Afrika e Jugut, ndërsa shqetësimet për variantet më ngjitëse të koronavirusit po rriten. Në një rregullore të re të lëshuar të Premten, qeveria gjermane tha se përveç provave aktuale dhe kufizimeve të karantinës, “një kufizim i përkohshëm do të vendoset në transportin e udhëtarëve nga vendet e caktuara si rajone me variante”.

Cilat janë kufizimet?

Duke filluar nga e Shtuna, një ndalim i transportit do të hyjë në fuqi për të gjitha fluturimet, trenat, autobusët dhe anijet nga vendet ku janë përhapur variantet e reja. Vendet e ndikuara nga ky kufizim janë Brazili, Afrika e Jugut, Portugalia, Britania e Madhe dhe Irlanda.

Duke filluar nga e diela, kufizimet do të zbatohen gjithashtu për udhëtarët nga vendet e vogla afrikane të Lesoto dhe Eswatini. Kufizimet aktualisht janë vendosur të zgjasin deri në 17 Shkurt.

Ka disa përjashtime nga kufizimet e udhëtimit, duke përfshirë: njerëzit që kanë të drejtë të banojnë në Gjermani dhe ata që transportojnë mallra, si dhe transporte urgjente mjekësore dhe udhëtime për “arsye urgjente humanitare”.

Reduktimi i udhëtimit ajror

Në fillim të kësaj jave, Ministri i Brendshëm Horst Seehofer i tha gazetës Bild se plani do të përfshijë ndalimin e plotë të fluturimeve në vend. Ai tha se qeveria po shikonte kontrolle më të rrepta kufitare, “por gjithashtu duke ulur udhëtimet ajrore në Gjermani në pothuajse zero, siç po bën aktualisht Izraeli.”

Një shpërndarje më e ngadaltë se sa pritej e vaksinave ka detyruar qeveritë e BE të mendojnë për zgjatjen e masave të bllokimit. Gjermania e përballoi relativisht mirë valën e parë të koronavirusit pranverën e kaluar, ajo është goditur rëndë nga një valë e dytë në muajt e fundit. (Reuters, AFP)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.