Gjermania zbut masat për 5 vende / Britanikët dhe të tjerë do të hyjnë në vend me karantinë 5-10 ditore
Instituti i shëndetit publik në Gjermani bëri të ditur në nisje të javës se Mbretëria e Bashkuar, India, Nepali, Portugalia dhe Rusia nuk janë më zona të “varianteve shqetësues”, duke ulur kufizimet në udhëtim për njerëzit që mbërrijnë nga këto vende. Të pestë vendet janë reduktuar në “zona me normë të lartë të incidencës” ,- sipas institutit Robert Koch, çka nënkupton se banorët e respektive mund të udhëtojnë tashmë në Gjermani, por me një karantinë 10-ditore në mbërritje. Periudha e karantinës mund të shkurtohet në 5 ditë, nëse ata testohen negativ për Covid-19 dhe njerëzit që janë vaksinuar plotësisht, mund të shmangin tërësisht karantinën. Përpara ndryshimit të etiketimit, udhëtuesit nga këto vende ishin të ndaluar për të hyrë në Gjermani, përveç residentëve, që duhej të karantinoheshin për 14 ditë. Vendimi, që bëhet efektiv në mes të kësaj jave, vjen pasi kancelarja Angela Merkel tha se britanikët që kanë marrë 2 vaksina të Covid, mund të hyjnë së shpejti në Gjermani pa karantinë. Në nisje të javës, kryeministri britanik Boris Johnson, lajmëroi planet për t’i dhënë fund masave sociale dhe ekonomike të covid në Angli pas 2 Javsh, çka do të testojë efektshmërinë e vaksinimit ndaj variantit Delta.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.