Gjermania zyrtarisht kundër tërheqjes së trupave amerikane nga vendi: “Vjen me kosto për sigurinë evropiane”
Ministrat gjermanë kanë kritikuar planet e Donald Trump për të tërhequr rreth 9,500 trupa amerikane nga toka gjermane, duke thënë se masa ka të ngjarë të dobësojë arkitekturën e sigurisë së Amerikës, si dhe sigurinë evropiane.
“Ne mendojmë se prania e SHBA në Gjermani është e rëndësishme për sigurinë jo vetëm të Gjermanisë, por edhe për sigurinë e Shteteve të Bashkuara dhe veçanërisht për sigurinë e Evropës,” tha Heiko Maas, ministri i jashtëm, gjatë një vizite shtetërore në Poloni.
Në fillim të kësaj jave, presidenti amerikan kishte konfirmuar qëllimin e tij për të ulur praninë e trupave amerikane në Gjermani në 25,000, duke thënë “ne jemi duke mbrojtur Gjermaninë“, dhe duke pretenduar se vendosja e trupave kishte “kosto të jashtëzakonshme për Shtetet e Bashkuara”.
Disa baza ushtarake amerikane në Gjermani, të tilla si baza ajrore Ramstein, veprojnë si logjistikë që vendosin poste për operacione në Lindjen e Mesme, Evropën Lindore ose Afrikë.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.