Kompanitë si Adidas, Puma dhe H&M kundër qeverisë gjermane. Refuzojnë të paguajnë qeratë e dyqaneve
Kur qeveria gjermane vendosi të ndalojë dëbimin në ditët e koronavirusit, me siguri nuk i mendoi ata. Qeveria po mendonte për shumë qytetarë që humbën vendin e punës, të vetëpunësuarit që nuk kishin të ardhura, për dyqanxhinjtë e vegjël që mbyllën qepenat. Shkurt, për ata që në këto javë të shtetrrethimit nuk do të jenë në gjendje të fitojnë para për qira.
Megjithatë të parët që reaguan ndaj moratoriumit – i cili sidoqoftë nuk e përjashton detyrimin për të paguar qiranë – ishin kompnaitë shumëkombëshe me miliarda xhiro vjetore: Adidas, Puma, H&M, zinxhiri i produkteve elektronike MediaMarkt dhe ai i farmacive të Deichmann. Ata njoftuan javën e kaluar se do të pezullojnë pagesat për dyqanet në Gjermani, duke i vënë mijëra qiramarrës në vështirësi. Gjigandët e konsumatorit kanë vendosur të përfitojnë nga ligji i sapo miratuar nga qeveria gjermane që lejon të vonohet pagesa e qirave për shkak të “mungesës së të ardhurave për shkak të efekteve të pandemisë nga Covid-19”. Dhe reagimi ishte një valë indinjate e përgjithshme.
Ministri i Transportit Andreas Scheuer (CSU) tha se ai ishte “shumë i zhgënjyer” nga Adidas dhe e quajti vendimin e gjigantit të veshjeve sportive “të papranueshëm”. Nënkryetarja e Parlamentit Evropian, Katarina Barley (Spd), në një tëeet nxorri foton e atleteve karakteristike me tre shirita dhe njoftoi se “është pala e fundit që do të blejë”, duke shtuar se ajo e konsideron si djallëzore që një kompani shumëkombëshe me 3, 2 miliardë fitime në vitin 2019 të “shfrytëzojnë një ligj për të mbrojtur qiramarrësit në një emergjencë ekzistenciale”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.