Gjigantët e teknologjisë – Vetëm 5 kompani shkaktojnë rënien e fundit në këtë sektor
Në trazirat e fundit në Bursa të shkaktuara nga sektori i teknologjisë, duket se jo të gjithë kompanitë kanë të njëjtën peshë në indekset e titujve të kapitalit.
Vetëm 5 emra shkaktuan 75% të rënies së indeksit Nasdaq, që ka ndjekur këtë tendencë që prej 7 Qershorit. Indekset e tjera si DowJones dhe S&P 500 kanë mbetur thuajse të pandryshuar në të njëjtën periudhë.
Trazirat erdhën kryesisht prej gjigantëve si Apple, Microsoft dhe Google, që ranë me më shumë se 6.5%.
Kompanitë zënë 30% të peshës totale të indeksit dhe ndikimi i këtyre e ka ulur atë pavarësisht se aksionet e tjera nuk gjenden në vështirësi.
Analistët e bankës Morgan Stanley thonë se shitja nën panik e aksioneve ishte e ekzagjeruar duke marrë parasysh performancën dhe pozicionimet në titujt e kapitalit të sektorit të teknologjisë.
Aksionet e Apple janë ende në rritje me 25% për vitin, duke patur hapësirë që të bien. Analistët thonë se rënia e teknologjisë nuk do të vazhdojë, duke marrë parasysh rezultatet e forta të tremujorit.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.