Gjoba 10 mijë lekë-A do të ketë në shtator një amnisti të re për deklarimin e vendbanimit?

Ata që kanë mbetur pa deklaruar vendbanimin në procesin 6 mujor të amnistisë e që tashmë rrezikojnë të përballen me gjobën 10 mijë lekë që parashikon ligji mund të kenë një shans të ri. Tashmë që ka përfunduar afati zyrtar i amnistisë 6 mujore e kur në zyrat e gjendjes civile në mbarë vendin ka ende fluks aplikimesh, po shtohen gjithnjë e më shumë zërat rreth mundësisë së një shtyrje të saj, me qëllim që të mos penalizohen qytetarët.

Burime nga Ministria e Brendshme konfirmojnë se në shtator do të ketë sërish një kërkesë për një amnisti të dytë, në mënyrë që të mundësohet një shans i ri për ata që s’përfituan nga mundësia e parë.

Një ditë më parë portali SCAN e paralajmëroi këtë mundësi. Për më shumë kliko këtu

Ndërkohë, mundësia e një shansi të ri për të aplikuar në mënyrë që të shmangen penalitetet konfirmohet edhe nga zyrat e Gjendjes Civile.

“Ora News” ka intervistuar Erion Çukun, specialist pranë njësisë administrative numër 2 i cili e ka konfirmuar këtë fakt.

“Duke qenë se afati i fundit ka qenë data 27 korrik, ne në fakt, duke parë që ka kaq shumë njerëz shpresojmë që me mbledhjen e parlamentit të ri, t’i japim një mundësi të dytë qytetarëve duke qenë se ka kaq shumë kërkesa, që të shtyhet ky afat” është shprehur ai.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.