Gjoba për pastrim parash – 10 kompani ndërtimi padisin DPPPP në Gjykata për penalitetet
Investimi në ndërtim apo blerja e pasurive të paluajtshme vijojnë të mbeten një prej rrugëve kryesore për pastrimin e parave, ndërkohë që kompanitë e ndërtimit mbeten ndër subjektet më të ekspozuara kur vjen fjala te shkelja e legjislacionit në këtë drejtim. Rreth 10 kompani ndërtimi janë të përfshira aktualisht në procese gjyqësore me Drejtorinë e Përgjithshme të Parandalimit të Pastrimit të Parave. Kompanitë për të anuluar gjobat e vendosura nga ky institucion.
Gjobat për këto lloj shkeljesh shkojnë nga 300 mijë lekë, deri në 5 milionë lekë. Ato nuk kanë zbatuar procedurat e përcaktuara me ligj që i detyrojnë të identifikojnë klientët, burimet e fondeve, analizimin e transaksioneve e deri te moszbatimi i detyrimit për raportimin e transaksioneve në para fizike.
Sektori i ndërtimit është një prej më të ekspozuarve kur vjen fjala te pastrimi i parave. Jo vetëm Drejtoria e Përgjithshme e Parandalimit të Pastrimit të Parave, por edhe Policia e Prokuroria janë shprehur se një pjesë e mirë e parave të ardhura nga krimi kanalizohen në tregun e pasurive të paluajtshme, ndërtimin e hoteleve e resorteve turistike.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.