Gjobat ndaj zyrtarëve – Përmbarimi ekzekuton 31 vendime për llogari të ILDKPKI
Të paktën 31 gjoba dhe masa të vendosura ndaj zyrtarëve nga ana e Inspektoratit të Lartë të Deklarimit dhe Kontrollit të Pasurive dhe Konfliktit të Interesit janë ekzekutuar në periudhën janar-mars nga ana e përmbarimit.
Në një dokument të nënshkruar nga Sekretari i përgjithshëm i Inspektoratit bëhet me dije se vlera totale e këtyre gjobave.
“Zyrat përmbarimore të rretheve për ekzekutimin e vendimeve të gjykatave për gjobat vendosura për rastet e shkeljes së detyrimeve ligjore nga zyrtarët subjekt të ligjit. Për 3 mujorin e parë 2017 janë ekzekutuar tërësisht gjithsej 31 raste në vlerën 4.95 milionë lekë nga të cilat 14 raste në vlerën 2.55 milionë lekë kanë kaluar në llogari të të ardhurave të inspektoratit. Arkëtimi në favor të ILDKPI 17 rasteve të tjera të cilat përmbajnë vlerën 2.4 milionë lekë është në proces likuidimi” thuhet në dokumentin zyrtar.
Por përveç ekzekutimit me forcë të vendimeve nga ana e inspektoratit janë arkëtuar edhe gjobat e tjera që shkojnë në total në 58 raste për tremujorin e parë të 2017, ndërsa në vlerë të ardhurat janë 11.3 milionë lekë.
Nertila Maho/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.