Gjobitet vetëm një biznes! – Anti-informaliteti, subjekteve abuzuese iu pezullua aktiviteti

Ndërsa 36 për qind e subjekteve  në raport me numrin total të atyre që janë kontrolluar, rezultojnë me informalitet, gjatë fushatës prej një periudhë rreth 1 muaj e gjysmë, është vendosur vetëm një gjobë.  Të dhënat zyrtare të përpunuara, tregojnë se administrata tatimore nuk ka vepruar me penalitete financiare, por më shumë me pezullime aktivitetesh.

Kështu nga 642 subjekte të konstatuara me informalitete, është vendosur vetëm një gjobë në rajonin qendror dhe me konkretisht në Korçë, me vlerë 52 mijë lekë. Ndërsa është marrë masa pezullim për 647 subjekte,  shifër kjo që rezulton më e lartë se numri i subjekteve të konstatuara me shkelje, ku kryeson rajoni qendror me 358 të tilla. Dhe po ashtu, janë vendosur ë total 111 masa parlajmëruese.

Gjatë periudhës 1 korrik- 15 Gusht 2019 janë kontrolluar 1764 biznese. Qeveria e nisi fillimisht planin operacional antiinformalitet në sektorin e shërbimeve dhe më tej u zgjerua në sektorin e hidrokarbureve, ndërtimit, produkteve të akcizës. Ende nuk ka një afat për përfundimin e kësaj fushate.

Elisabeta Dosku/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.