“Gjurmimi” i mallrave, Katiaj: Shkëmbim i të dhënave dogane-tatime ul evazionin
Shkëmbim në kohë reale i të dhënave doganore në sistemin tatimor do të ulë evazionin fiskal dhe fshehjen e transaksioneve.
Nëndrejtore e Përgjithshme e Tatimeve, Elisabeta Katiaj, u shpreh në një intervistë për TV SCAN, se koordinimi i informacioneve ku transmetohen dhe përpunohen në kohë reale jo vetëm të dhënat e deklaratave të importit e eksportit, marrë nga dogana, do të bëjë të mundur gjurmimin e tyre deri në procesi fundor tregtar.
Sipas Katiajt, ky është një zhvillim teknologjik i rëndësishëm, i cili ndihmon të dy administratat në rritjen e komunikimit, përmirësimin e shërbimeve, por edhe evidentimin e shkeljeve.
Ndërkohë raportimet e bizneseve duhet të jenë të njëjta për të dy administratat, atë doganore dhe atë tatimore.
Violeta Shqalsi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.