Gjykata europiane hedh poshtë ankesën kundër vaksinimit të detyrueshëm
Një Gjykatë Europiane ka hedhur poshtë një ankesë nga zjarrfikësit francezë kundër vaksinimeve të COVID-19 si të detyrueshme. Më shumë se 670 zjarrfikës profesionistë dhe vullnetarë u ankuan për vaksinat e detyrueshme dhe thanë se masat shkelin të drejtat e tyre të privatësisë.
Por Gjykata Europiane për të Drejtat e Njeriut e ka refuzuar kërkesën e tyre dhe tha se ankesa ka dalë jashtë fushëveprimit të tyre. Por vendimi nuk përjashtoi rastet e ardhshme për këtë çështje nëse vaksinimet e detyrueshme shkaktojnë “një rrezik real të dëmit të pariparueshëm” për zjarrfikësit.
Sindikata SUD SDIS që solli çështjen e ka përshkruar vendimin si një “zhgënjim ekstrem”. Rémy Chabbouh, sekretar kombëtar i sindikatës, i tha AFP se ata do të vazhdojnë luftimet. Chabbouh gjithashtu shprehu frikën se “një pjesë e madhe” e kolegëve të tij do të radikalizohen për shkak të kërkesave të detyrueshme të vaksinimit.
Në fillim të këtij muaji, Franca i bëri vaksinat COVID-19 të detyrueshme për punonjësit e kujdesit shëndetësor, të cilët nga nëntori do të përballen me pezullimin e kontratës së tyre pa pagesë nëse refuzojnë vaksinimin.
Të hënën, SUD SDIS paraqiti një njoftim grevë kombëtar të pakufizuar për të kërkuar “tërheqjen” e detyrimit të vaksinimit. “Qëllimi nuk është aspak të rrisë numrin e grevistëve apo protestuesve, por të mbrojë personelin që nuk dëshiron të vaksinohet dhe që është duke pritur për një zgjidhje”, tha Chabbouh.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.