Gjykata Kushtetuese vendos: Fëmijët italianë duhet të kenë mbiemrat e të dy prindërve!
Gjykata Kushtetuese e Italisë ka vendosur që fëmijëve t’u jepet mbiemri i të dy prindërve në lindje. Vendimi i së mërkurës rrëzon një traditë të kahershme në Itali që të gjithë të porsalindurit emërtohen automatikisht sipas babait të tyre.
Gjykata vendosi se norma historike është “diskriminuese dhe e dëmshme për identitetin” e fëmijës dhe tha se të dy prindërit duhet të jenë në gjendje të zgjedhin mbiemrin.
Fëmijët italianë do të jenë ende në gjendje të kenë një mbiemër nëse nëna dhe babai bien dakord, shtohet ajo. Parlamenti i Italisë tani duhet të miratojë legjislacionin e ri për t’u përshtatur me vendimin e gjykatës.
“Kjo çështje është zvarritur nga një mandat parlamentar në tjetrin, është koha për të vendosur,” tha Renate Gebhard, presidente e Partisë Popullore të Tirolit Jugor (SVP). “Tani i takon Parlamentit të bëjë këtë hap përpara në drejtim të qytetërimit”, shtoi Laura Boldrini, deputete e Partisë Demokratike.“Prindërit kanë përgjegjësi dhe të drejta të barabarta, jo më diskriminim që penalizon nënat dhe fëmijët”.
Ministrja italiane e familjes Elena Bonetti tha në Facebook se qeveria do të mbështesë plotësisht ligjin e ri. “Ne duhet t’i japim thelbin [vendimit] dhe është një prioritet i lartë dhe detyrë urgjente e politikës për ta bërë këtë,” shkroi ajo, duke shtuar se prindërit duhet të marrin përgjegjësi të barabartë për rritjen e një fëmije. ANSA
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.