Gjykata në SHBA mposht vaksinimin e detyruar – Vendos për të ndaluar rregullin e Biden që i kërkon kompanive vaksinimin
Një gjykatë federale e apelit në SHBA vendosi për një pezullim gjatë fundjavës, ç’ka do të ndalojë rregullin e administratës së Biden që i kërkon kompanive amerikane me të paktën 100 punëtorë që të vaksinohen kundër Covid-19, apo të testohen çdo javë, duke përmendur “çështje të rëndë statutore dhe kushtetuese”.
Vendimi nga gjykata e apelit për “Qarkun e Pestë” në SHBA, vjen pasi disa shtete të drejtuara nga republikanë, ngritën sfida ligjore kundër rregullit të ri, që pritet të bëhet efektiv më 4 Janar. Në një deklaratë, avokatja e punës, Seema Nanda, tha se Deprtamenti i Punës ka besim në autoritetin ligjor që të lëshojë këtë vendim, që do të përforcohet nga Administrata e Sigurisë dhe Shëndetit në Punë.
“Akti i Sigurisë dhe Shëndetit në Punë, i jep në mënyrë eksplicite agjencisë autoritet që të veprojë shpejtë në një emergjencë ku agjencia zbulon se punonjësit janë subjekt i një rreziku të rëndë dhe një standard i ri është i nevojshëm për t’i mbrojtur”- tha ajo. Rreth 1,100 amerikanë po vdesin çdo ditë nga Covid-19, ku shumica janë të pavaksinuar.
Totali i vdekjeve në vend ka kaluar 750,000. Vendimi i gjykatës vjen 2 ditë pasi administrata e Biden prezantoi rregullin, që u prit menjëherë me premtime të veprimeve ligjore nga guvernatorë republikanë dhe të tjerë, që argumentojnë se është tejkaluar autoriteti ligjor i administratës. Rregulli i aplikohet 84.2 milionë punonjësve në 1.9 milionë punëdhënës të sektorit privat. Urdhëri i gjykatës në fundajvë erdhi në përgjigje të një peticioni të përbashkët nga disa biznese, grupe mbështetëse dhe shtetet e Teksasit, Luizianës, Misissipit, Karolinës së Jugut dhe Utah.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.