“Gjyqi më i madh i mashtrimit financiar” – Bankierët përfitojnë miliona euro nga tregtia “astronomike”
Një nga dy bankierët britanikë të investimeve, në qendër të gjyqit më të madh të mashtrimit në Gjermani, u tha gjyqtarëve se ai fitoi miliona euro nga marrëveshjet që përfshinin tregtitë “astronomike”, për të cilat prokurorët thonë se ishin një mjet për të bërë llogaritjet e taksave false.
Martin Shields, tha që tregtia, e njohur si ‘cum ex’, lulëzoi midis 2005 dhe 2012, pasi investitorët nga e gjithë bota bënë tregti me shumë miliardë euro mbi kompanitë gjermane. Kjo i lejoi ata të gjenerojnë rimarrje të shumta tatimore.
Gjyqi ku Shield po jep prova të hollësishme është i pari në një hetim më të gjerë që synon të rikuperojë miliarda nga bankat për të cilat prokurorët besojnë se përfituan nga tregtia.
Gjermania vlerëson se tregtitë e tilla kushtojnë më shumë se 5 miliardë euro në total ndërsa bankierët britanikë akuzohen për vjedhjen e 447 milion euro ndaj Gjermanisë.
“Numri i marrëveshjeve që kalonin në treg ishte astronomike,” i tha Shields gjykatës, duke shtuar se ai kishte fituar 12 milion euro nga tregtitë që tani janë në qendër të gjykimit penal në Bon.
Të akuzuarit mund të përballen me një burg të mundshëm dhe me një urdhër shtetëror për të shlyer fitimet e përvetësuara.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.