Gjyqi për shkarkimin e Trump – Senati voton për ta vazhduar, mund të ndalojë rikandidimin e tij
Senati i Shteteve të Bashkuara votoi për të vazhduar me gjyqin e dytë të shkarkimit të ish presidentit Donald Trump.
Senati votoi me 56 pro dhe 44 kundër që gjyqi i shkarkimit të Trump është brenda rregullave të kushtetutës, pavarësisht thirrjeve nga disa republikanë për ta hedhur poshtë. Gjashtë senatorë republikanë votuan pro me 50 demokratët.
Senatori demokrat Patric Leahy i Vermontit do të drejtojë gjyqin. Votimi edhi pak orë pasi dhoma e Përfaqësuesve dhe ekipi i mbrojtjes së Trump, debatuan për më shumë se 4 orë, nëse një president që ka mbaruar mandatin mund të jetë subjekt i një gjyqi në Senat.
Kongresmeni Jamie Maryland, menaxheri kryesor i urdhrit të shkarkimit, nisi prezantimin me një video që tregonte se si protestuesit u përplasën me policinë dhe plaçkitën godinën e Kongresit.
Video mbaroi me postimin në Twitter të Trump, që thoshte se “këto janë gjërat që ndodhin kur vidhet një fitore e bindshme zgjedhore”. Ekipi ligjor i Trump përfundoi duke thënë se ish-presidenti nuk ka nxitur protestuesit dhe se fjalimi i tij është i mbrojtur nga Amendamenti i Parë.
Avokati i Trump, David Schoen, akuzoi demokratët se po përdorin “impeachment” si një mjet politik për të mbajtur Trump larg një kandidimi tjetër.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.