Glovo zgjerohet në Ballkanin Perëndimor / Shtrihet në të gjitha vendet, përveç Shqipërisë dhe Kosovës

Start-up-i i dërgesave të shpejta në Spanjë, Glovo, ka rënë dakord të paguajë 170 milionë euro për të blerë njësinë ballkanike të firmës gjermane “Delivery Hero”, çka përshpejton rritjen e kompanisë.  Transaksioni përfshin blerjen e Foodpanda në Rumani dhe Bullgari, Indonezi në Serbi, Mal të Zi, Bosnje dhe Herzegovinë, si dhe Pauza në Kroaci.  Këto marrëveshje janë subjekt i miratimeve rregullatore, sipas kompanisë në Barcelonë. Më herët gjatë muajit Glovo kishte lajmëruar blerjen e Ehrana në Slloveni, për një shumë që nuk u bë publike. “Delivery Hero” e çoi zotërimin tek Globo në 37%, pasi ofroi 229 milionë euro nga totali prej 450 milionë që kompania spanjolle gjeneroi në Prill, në raundin më të madh të financimit të arritur nga një start-up spanjoll.   Në fund të vitit 2020, Globo shiti operacionet në Amerikën Latine tek “Delivery Hero” për 230 milionë euro.

“Ka qenë gjithnjë e rëndësishme tek strategjia jonë afat-gjatë që të përqendrohemi në tregje ku shohim mundësi për të qenë lider dhe ku mund të ndërtojmë biznese të qëndrueshme”-  tha Oscar Pierre, ekzekutivi dhe themeluesi i Glovo, duke i’u referuar Ballkanit.

Glovo bën dërgesa të shumëllojshme, nga ushqimi e deri tek furnizimi i pajisjeve shtëpiake, ndaj 10 milionë përdoruesve në 20 vende.  Kompania pa patur një rritje gjigante të kërkesës gjatë pandemisë, ndërkohë që konsumatorët në karantinë kanë kërkuar shërbime të dërgesave.

Klevis Llaha -SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.