GM reagon ndaj tarifave – “Do të rrisin çmimin e makinave dhe reduktojnë vendet e punës”
Prodhuesi amerikan i makinave, General Motors, paralajmëroi se tarifat për automjetet e importuara mund të rrezikojnë vende të punës në SHBA. Kompania komunikoi me Departamentin e Tregtisë, duke i thënë se tarifat në importe që po vendos Donald Trump, mund të sjellin një tkurrje të prodhimit të General Motors dhe humbje të vendeve të punës. Sipas kompanisë, tarifat mund të rrisin çmimin e automjeteve de reduktojnë shitjet.
Edhe nëse prodhuesit vendosin të mos përcjellin rritjen e kostove, kjo do të sillte përsëri humbje në investime, më pak vende pune dhe paga më të ulëta për punonjësit. Në afat-gjatë, tarifat do të izolojnë prodhuesit amerikan të makinave nga tregu global dhe mund të vonojnë zhvillimin teknologjik. General Motors operon 47 fabrika në SHBA dhe punëson 110,000 staf. Kompania blen miliarda dollarë pjesë nga furnitorët amerikan çdo vit dhe ka investuar mbi 22 miliardë dollarë në operacionet e manifakturës që prej vitit 2009.
GM është kompania e dytë që paralajmëron për rreziqet e tarifave brenda 1 jave. Prodhuesi i motorëve Harley Davidson, lajmëroi se do të zhvendosë prodhimin në fabrikat ndërkombëtare për të shmangur barrierat e Bashkimit Europian.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.