Goditje vend-grumbullimeve të paligjshme të mbetjeve – Rama me Krerët e Bashkive: Jo më keqpërdorim fondesh. Nuk do ju miratojmë buxhetet
Kryeministri Edi Rama ka mbledhur në kryeministri krerët e Bashkive, për të diskutuar lidhje me pastrimin e territorit dhe menaxhimin e mbetjeve urbane.
Ai theksoi se ka ardhur momenti për t’i dhënë goditjen e fundit vend-grumbullimeve të paligjshme të plehrave, ashtu si keqpërdorimit të fondeve të pastrimi nga shumë njësi vendore.
Ai i paralajmëroi krerët e Bashkive se asnjë prej njësive nuk do t’u miratohet buxheti nëse nuk parashikojnë me saktësi kostot e pastrimit të territorit.
Aktualisht numërohen 6 impiante pastrimi për mbetjet në gjithë territorin të cilat mbulojnë 74% të popullsisë, ndërkohë që sipas Ministres së Turizmit dhe Mjedisit, Mirela Kumbaro janë trashëguar më shumë se 100 vend-depozitime mbetjesh të paligjshme, të cilat duhet të pastrohen.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.