Google dhe LG prezantojnë Android Wear 2.0, orën e zgjuar më të përparuar në treg
Google nxorri në treg orën e re smart Android Wear 2.0. Ndryshimi më i madh që kanë patur smartwatch-ët e Google, që prej krijimit të tyre, kishte muaj që pritej.
Dizajni i orës së re është thjeshtëzuar, janë shtuar elementë të rinj dhe mbi të gjitha, aksesori mund të funksionojë më vete, pa nevojën e celularit. Madje, ndonëse me sisteme të ndryshme, ora mund të lidhet edhe me iPhone.
Wear 2.0 është krijuar si bashkëpunim mes Google dhe LG. Ora është në dy versione, nga të cilët versioni sportiv kushton 349 dollarë, ndërsa ai Style kushton 249 dollarë.
Ndonëse orët e zgjuara nuk kanë ende funksionet e plota të një smartphone-i, ato janë përmirësuar në aspektet e gjurmimit të stërvitjes, ardhjen e njoftimeve të ndryshme si mesazhet apo e-mail, si edhe në modifikimin e pamjes së tyre.
Orët suportojnë teknologjinë 4G, por janë të ndryshme në specifika.
Kështu, versioni sportiv është më i madh dhe i rëndë, ka një bateri 2 herë më të madhe se versioni klasik dhe vjen në ngjyrë titani dhe blu të errët. Versioni klasik ka një rrip prej lëkure italiane, është më elegante dhe vjen në ngjyrë argjendi, titani dhe ari rozë.
Të dyja janë rezistente ndaj pluhurit dhe shiut, si dhe kanë një ekran prej xhami Gorilla Glass 3.0, çka e bën shumë të fortë dhe nuk ka gjasa të thyhet apo gërvishtet.
E pajisur me të gjithë aplikacionet bazike nga harta tek interneti dhe mesazhet, Android Wear lë pas konkurrentët Apple dhe Samsung, në mënyrën e pagesës me Android Pay.
Gjithsesi, ndryshimet nuk janë aq të mëdha sa për të ndryshuar mendjen e atyre që nuk i shohin orët e zgjuara si të domosdoshme. Për momentin smartwatch-ët mbeten thjesht një aksesor i bukur dhe i shtrenjtë, që tregon kohën, motin dhe me të cilën mund të komunikosh me këdo.
Angelo Haruni/SCAN
Google dhe LG prezantuan versionin e ri të smartwatch-it
Posted by RADIO TELEVIZIONI SCAN on Friday, February 10, 2017
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.