Google sjell ‘kartën SIM të turistëve’ – Shitet në aeroporte dhe përdoret në 200 shtete

Në terminalin 4 të aeroportit të New York janë vendosur tashmë dy makineta që shesin tashmë karta SIM të markës Google Fi. Duke shpenzuar vetëm 10 dollarë (rreth 9 euro) ju mund të siguroni një kartë që mund të funksionojë në 200 vende të botës me anë të  roaming global.

Google Fi është një operator virtual celular që ka bërë debutimin e tij në SHBA për disa muaj tashmë me kartat e para që mund të bliheshin në dyqanet Best Buy qysh në shkurt dhe vetëm disa ditë më parë edhe në dyqanet Target. Hapi i ri i nismës së Google është përkushtimi ndaj udhëtarëve që nisen nëpër destinacione në të gjithë botën me një plan tarifor mjaft të thjeshtë dhe fleksibël.

Të dy terminalet e prekura nga projekti janë ato të destinuara për fluturime ndërkontinentale dhe pikërisht këto karta SIM mund të funksionojnë në mbi 200 vende të botës me një kosto prej 10 dollarë për gigabajt.

Përveç mundësisë për të paguar 9 euro për gb për konsum kudo, mund të pajtoheni edhe në planin e pakufizuar që kushton 79 dollarë (rreth 72 €) i cili ju lejon të keni deri në 22 GB navigacion me shpejtësi të lartë që do të zvogëlohet përtej kufirit, por me video me cilësi 480p. Destinacionet ndërkombëtare gjithashtu mund të thirren falas dhe qarkullimi i të dhënave për roaming mund të përdoret pa probleme në vendet e ndryshme të vizituara.

Me pak fjalë, një zgjedhje mjaft e mirë për ata që udhëtojnë shumë shpesh ose janë gati të vizitojnë vende të ndryshme brenda një periudhe të shkurtër kohe dhe nuk duan të aktivizojnë plane të shumta ose të blejnë karta SIM lokale sa herë që zhvendosen. (Wired)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.