Grante për ide inovatore – PNUD mbështet të rinjtë në krijimin e bizneseve

PNUD do të mbështesë të rinjtë që kanë ide inovatore me grante deri në 500 mijë lekë për hapjen e një biznesi të ri.  20 te rinj që përfunduan fazën e trajnimit të Programit të Vetëpunësimit, kalojnë në filtrat e një jurie vlerësuese.

Ide-bizneset e tyre janë në sektorë të ndryshëm, si teknologji-informacioni dhe komunikimi, bujqësi, punimet artizanale shqiptare, turizëm, dhe shëndeti.

Ministrja e Mirëqenies Sociale, Olta Xhaçka, theksoi se do të bëhet më shumë për nxitjen e sipërmarrjes private, si element kyç për zhvillimin e ekonomisë.

PNUD vlerëson se këto programe duhen përshkallëzuar edhe më tej, për tu dhënë mundësi të rinjve të zhvillojnë potencialet e tyre. Brian J. William, Përfaqësues i Përhershëm i UNDP në Shqipëri

Të rinjtë aplikuan për tu bërë pjesë e Programit të Vetëpunësimit të prezantuar gjatë muajit Dhjetor 2016. Rreth 270 prej tyre kaluan fazën e parë të seleksionimit dhe  rreth 110 të përzgjedhur u trajnuan  për të krijuar plane biznesi.

Programi “Zhvillimi i Aftësive për Punësim është një nismë e përbashkët e Programit të Kombeve të Bashkuara për Zhvillim(UNDP), Agjencisë Zvicerane për Zhvillim dhe Bashkëpunim në mbështetje të Ministrisë së Mirëqenies Sociale.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.