Gratë sipërmarrëse – Qato: Synojmë rritjen e shifrave. Mesi: Mbështetje nga qeveria
Qeveria shqiptare synon të rrisë numrin e grave sipërmarrëse, ndërkohë që kjo kërkon edhe një bashkëpunim mes grave që kanë mundur të ngrenë aktivitetin e tyre”. Deklarata është bërë nga ministrja për Mbrojtjen e Sipërmarrjes, Sonila Qato gjatë panairit “Gratë në Biznes”, organizuar nga Ambasada e Mbretërisë së Holandës.
E pranishme në aktivitet ishte edhe zëvendëskryeministrja Senida Mesi, e cila tha se qeveria aktuale tashmë ka treguar vëmendjen që i kushton angazhimit të grave, përmes pjesëmarrjes së tyre në parlament, qeveri dhe këshilla bashkiakë.
Ambasadorja e Holandës theksoi përpjekjet e këtij shteti për të promovuar një kulturë të qëndrueshme të sipërmarrjes së grave, si çelësin për rritjen ekonomike gjithëpërfshirëse.
Panairi ‘Gratë në Biznes’ mblodhi bashkë gra sipërmarrëse, iniciatorë të bizneseve sociale dhe shoqërinë civile.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.