Greqi – 65% e hotelierëve janë shumë pranë falimentit / Goditja e industrisë së turizmit nga koronavirus

Hotelierët grekë shqetësohen gjithnjë e më shumë për të ardhmen e tyre.

Gazeta Greek Reporter citoi një studim të Dhomës së Hoteleve Hellenic, një organ qeveritar që përfaqëson industrinë e hoteleve greke. Ajo zbuloi se 65% e hotelierëve grekë thanë se falimentimi i biznesit të tyre është ose “i mundshëm” ose “shumë i mundshëm”.

Duke folur për Business Insider në lidhje me studimin, Alexandros Vassilikos – presidenti i Dhomës Greke të Hoteleve – tha se ai nuk ishte i tronditur nga rezultatet e sondazhit.

“Kur jeni duke folur për ndjenjën – kur kufijtë janë të mbyllur dhe avionët nuk po fluturojnë, ndjenja nuk mund të jetë pozitive,” tha ai. “Ne po përballemi me një rënie shumë të madhe në Greqi, por kjo nuk është ndryshe nga vendet e tjera. Askush nuk po udhëton, kështu që ekziston një shqetësim i madh në të gjithë zinxhirin turistik.”

“Është shumë e vështirë të kesh një parashikim për të ardhmen. Por ne të gjithë duhet të kuptojmë se çdo industri do të ndryshojë pas kësaj pandemie. Nëse ky ndryshim do të zgjasë përgjithmonë, apo 10 vjet, ose tre vjet, askush nuk mund ta dijë, ” shtoi ai.

Deri më sot, Greqia ka pësuar 105 vdekje të lidhura me koronavirusin sipas të njëjtit burim.

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.