Greqi – Ministri hap procesin për tenderimin e sistemit të llogaritjes së taksave në të gjithë rrugët e vendit
Ministri grek i Infrastrukturës dhe Transportit, Christos Spirtzis, ka hapur procesin e tenderimit për sistemin e llogaritjes së taksave elektronike në të gjitha rrugët e vendit.
Datat pritet të shpallen pas publikimit në formularin zyrtar të datës së thirrjes për tender. Ndërkohë, sa i takon ofertës, është parashikuar të bëhet në mes të shkurtit të vitit të ardhshëm.
Sistemi pritet të jetë plotësisht operacional deri në fund të vitit 2018, duke filluar me Rrugën Egnatia (Eganatia Odos) e cila kalon në Greqinë veriore.
Ministria ka filluar tashmë bisedimet me kontraktorët që menaxhojnë autostradat me kabinat e pagesave në Greqi, për t’i informuar ata mbi këtë proces.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.