Greqi, paga minimale rritet me 50 euro – Do të jetë 713 euro, rritja e dytë gjatë këtij viti për shkak të çmimeve të larta

Greqia do të rrisë pagën minimale nga 1 maji për herë të dytë këtë vit, deklaroi kryeministri i vendit, pasi rritja e inflacionit ndikon në të ardhurat e familjeve. Paga bazë do të rritet me 50 euro në muaj në 713 euro, tha Kyriakos Mitsotakis.

Qeveria konservatore rriti pagën minimale mujore bruto me rreth 2% në 663 euro në janar, që do të thotë se tashmë paga minimale do të rritet me 9.7%. Inflacioni në Greqi ishte 8.9% në mars, duke arritur nivelin më të lartë në 27 vjet me rritjen e kostove të energjisë duke vështirësuar të ardhurat e familjeve.

Çmimet e gazit natyror u rritën me 68.3% me bazë vjetore, ndërsa çmimet e energjisë elektrike u rritën me 79.3%. Mijëra qytetarë dolën në rrugët e Athinës në fillim të këtij muaji për të protestuar kundër asaj që ata e konsiderojnë një “krizë e thelluar” e rritjes së çmimeve.

29- vjeçari Christos Gallas, i cili punon në sektorin privat, e mirëpriti vendimin e qeverisë duke thënë se gjithçka po rritet, por pagat mbeten të njëjta. Ndaj çdo rritje e pagave është e mirëpritur.

Por, punonjësi i restorantit, Yiorgos Tzalas, tha se paga minimale ishte shumë e ulët dhe nuk mjaftonte për të mbuluar kostot. “Nëse vetëm energjia kushton 400 euro, atëherë çfarë mund të paguash me 700? Nuk mjafton për të mbuluar shpenzimet, çmimet janë të larta”, tha ai.

Mitsotakis pranoi se nivelet e pagave janë “me të vërtetë të ulëta “. Qeveria ka shpenzuar rreth 4 miliardë euro për subvencionimin e faturave të energjisë për familjet, bizneset dhe fermerët të përballur me rritjen e çmimit të energjisë elektrike dhe gazit që nga viti i kaluar.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.