Greqia do fuqizojë ushtrinë. Në mes të tensioneve me Turqinë, Mitsotakis paralajmëron shpenzime kolosale për mbrojtjen
Kryeministri grek, Kyriakos Mitsotakis njoftoi një rritje në shpenzimet e mbrojtjes të vendit si pasojë e tensioneve me Turqinë fqinje mbi burimet e energjisë në Mesdheun lindor. Mitsotakis tha se Greqia do të fuqizojë forcat e saj të armatosura pas viteve të masave shtrënguese edhe në këtë drejtim. “Në vitet e fundit, gjendja e sektorit tonë të mbrojtjes ishte një proces de-investimi, pas një periudhe shpenzimesh shumë të kushtueshme – dhe shpesh jo shumë të synuara – të mbrojtjes.
Koha për të ekuilibruar nevojat tona dhe aftësitë tona ka mbërritur. Ne duhet të forcojmë forcat e armatosura për sigurinë e vendit tonë, është detyra jonë më e madhe ndaj grekëve, të cilët do të mbajnë koston e vendit tonë në hartë”, tha ai gjatë një fjalimi në Selanik. Qeveria e tij konservatore ka në plan të blejë 18 avionë luftarakë të prodhuar nga Dassault, Rafale, të marrë katër fregata të reja dhe një shumëllojshmëri armësh të reja, përfshirë silurët dhe raketat. Forcat e armatosura do të punësojnë gjithashtu 15,000 personel gjatë pesë viteve të ardhshme.
Mitsotakis njoftoi gjithashtu një seri pushimesh tatimore duke përfshirë përfundimin e taksës së pasurive të patundshme në 26 ishuj dhe tarifa më të ulëta të sigurimeve shoqërore për punëtorët dhe punëdhënësit. Rimëkëmbja ekonomike e Greqisë është ndalur pas shpërthimit të COVID-19 dhe masave për të luftuar pandeminë. Në varësi të turizmit, ekonomia është goditur rëndë nga bllokimet dhe kufizimet e udhëtimit. Deri më tani, mbështetja e qeverisë duke përfshirë skemat e ndërmarrjeve ka përmbajtur rritjen e papunësisë, e cila u rrit në 18.3% në qershor, më e larta në 16 muaj.
Roel Korkuti / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.