Greqia kërkon 18 muaj pezullim për kontrollet më të rrepta kufitare

Policia greke (ELAS) i ka dërguar një dokument Komisionit Europian, agjencisë evropiane të kufirit Frontex dhe vendeve anëtare të BE-së javën e kaluar duke u kërkuar një tjetër pezullim të zbatimit të kontrolleve të reja kufitare më të rrepta – këtë herë një shtyrje afati prej 18 muajsh. Kontrollet më të forta kufitare janë në përputhje me ndryshimet në mars të Kodeve Kufitare të Shengenit.

Masa fillestare e instalimit të kontrolleve më strikte ishte në përpjekjet për të shtrënguar rregullat që duhej të zbatoheshin brenda zonës Shengen. Rregullat më të rrepta detyrojnë qytetarët e vendeve të treta që udhëtojnë brenda dhe jashtë zonës së Shengenit, si dhe qytetarët e Bashkimit Evropian t’iu nënshtrohen kontrolleve të detajuara në kufi. Rregullat erdhën në përpjekjet për të çrrënjosur ekstremistët islamikë që udhëtonin brenda zonës së Shengenit.

ELAS tha se ata morën vendimin për të pezulluar rregullat e reja pas vonesave të rënda të udhëtimit në aeroportet në Greqi pas zbatimit të kontrolleve më të rrepta kufitare në aeroporte më 7 prill.

E vetmja zonë e vendit ku rregullat e reja nuk do të pezullohet është në stacionin kufitar Greqi-Turqi në Kipoi, ku xhihadistët kanë hyrë më parë në vend.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.