Greqia kryeson transportin e gazit në det – Flota greke zë 22% të tregut botëror në një kohë ku rëndësia është rritur
Në një kohë kur siguria e energjisë po fiton rëndësi të madhe, anijet greke të dërgesave po luajnë një rol strategjik në transportin detar ndërkombëtar të gazit natyror. Ndërkohë që largimi i Europës dhe vendeve të tjera nga gazi natyror rus po merr vrull dhe SHBA po dalin si eksportuesi kryesor i gazit LNG në botë, flota globale e mbajtësve të gazit LNG, po bëhet gjithnjë e më e rëndësishme.
Pasi kanë investuar dhjetra miliardë dollarë , një numër i vogël i transportuesve grekë në det, kanë tashmë 22.35% të flotës botërore të gazit natyror të lëngshëm nën kontroll, matur nga tonazhi.
Kjo përbën një flotë prej 135 anijeve të tilla çisternë, nga një total prej rreth 640 që lundrojnë në botë në ditët e sotme.
Këto janë anije që përmbajnë teknologji të lartë dhe kosto ndërtuese e tyre arrin në rreth 200 milionë dollarë.
Akutalisht ka porosi ndërkombëtare të vendosura për 137 anije të tjera çisternë të gazit LNG në nivel botëror, por kjo do të kërkojë 2-3 vite që të disponohen.
Sipas VesselsValue, një kompani e specializuar në monitorimin e dërgesave, në Nëntor 2021, flota e transportit të gazit natyror e zotëruar gna Greqia, vlerësohej se ishte më e shtrenjta në botë, në rreh 19.118 miliardë dollarë, ndjekur nga Japonia, me 18.1 miliardë dollarë, Kina me 10.4 mld dhe Korea e Jugut me 9 mld dollarë.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.