Greqia lufton me zjarrin në ishullin Evia, i dyti më i madh në vend
Një zjarr i madh i nxitur nga erërat e forta shkatërroi pyjet në ishullin Grek të Evia, thanë zjarrfikësit, pasi autoritetet përgatiteshin të evakuonin dy fshatra potencialisht në rrugën e flakëve.
Era ka shpërndarë zjarrin në të paktën 4 rajone të tjera Greke, ku autoritetet thanë se ishin thirrur për të shuar 182 vatra zjarri në tre ditët e fundit.
Më shumë se 120 zjarrfikës, të ndihmuar nga helikopterë dhe avionë të tjerë, u vunë në lëvizje për të shuar zjarrin në Evia, ishulli i dytë më i madh i vendit nga ku ka pasur vetëm dëme materiale.
Tymi i krijuar nga zjarri mbuloi Athinën me një largësi rreth 110 kilometra nga vatra.
Greqia shpesh përballet me zjarre gjatë muajve të saj të thatë të verës, dhe autoritetet kanë paralajmëruar për rrezikun e lartë të flakëve këtë javë.
Nebi Xhomaqi / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.