Greqia vazhdon programin e vizave për turistët turq – Qëndrimi maksimal njëjavor
Greqia do të sigurojë viza afatshkurtra për shtetasit turq që dëshirojnë të vizitojnë përsëri ishujt grekë këtë vit, njoftoi Ministria e Jashtme.
Një deklaratë e ministrisë tha se Komisioni Europian ra dakord të zgjeronte sistemin në 2018, kështu që turistët turq dhe shtetasit e vendeve të treta që banojnë në Turqi mund të vizitojnë ishujt grekë në Egje vetëm nëse bëhet fjalë për një qëndrim maksimal njëjavor.
“Programi i vizave, i cili është zbatuar me sukses në vitet e fundit, është veçanërisht kritik për ekonomitë e ishullit”, thuhet në njoftimin e ministrisë.
“Për këtë arsye, vazhdimi i tij në këtë vit ishte një kërkesë e përhershme e të gjitha agjencive lokale”, shtoi ajo.
Një rekord prej 739,000 shtetasish turq vizituan Greqinë në nëntë muajt e parë të vitit 2017 një numër më i lartë se e njëjta periudhë e një viti më parë.
Por edhe numri i turistëve grekë që vizitojnë Turqinë është rritur gjithashtu në vitin 2017-të në vende si Stambolli, Kusadasi, Bodrumi, Cesme dhe Cappadocia, të cilat janë cilësuar si destinacione të preferuara.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.