Greqia vendos gjobë mujore prej 100 euro për personat e pavaksinuar mbi 60 vjeç!

Kryeministri grek Kyriakos Mitsotakis njoftoi vaksinimin e detyrueshëm kundër Covid-19 për të gjithë grekët mbi 60 vjeç përpara një takimi të kabinetit në Athinë të martën, në një përpjekje për të trajtuar kërcënimin e ri të variantit Omicron përpara sezonit festiv.

Ata që refuzojnë të vaksinohen do të duhet të paguajnë një gjobë mujore prej 100 euro (114 dollarë) për çdo muaj që nuk marrin dozën, duke filluar nga 16 janari, sipas Mitsotakis. Fondet e mbledhura nga gjobat do t’u jepen spitaleve greke që luftojnë pandeminë.

“Ky nuk është një dënim,” tha Mitsotakis. “Unë do të thoja se është një tarifë shëndetësore.”

Në Greqi, vetëm 60,000 nga 580,000 personat e pavaksinuar mbi 60 vjeç e morën vaksinën në nëntor.

Greqia gjithashtu do t’i sigurojë çdo të rrituri një test falas gjatë periudhës 6-12 dhjetor dhe periudhës 3-7 janar, tha kryeministri grek.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.