Greqia zbut masat e karantinës / Lejon baret dhe restorantet jashtë, shtyn shtetrrethimin në 23:00
Greqia lajmëroi se do të relaksojë në mënyrë të konsiderueshme masat e karantinës gjatë Majit, duke parë që infeksionet po vazhdojnë në rënie dhe fushata e vaksinimit ka marrë vrull. Zbutja e masave nisi më 3 Maj, me kafetë dhe restorantet që do lejohen t’i shërbejnë konsumatorëve në ambiente të hapura, me tavolina të distancuara. Kushdo që dëshiron të vizitojë këto vende duhet të fusë kodin 6 tek një SMS të dërguar në numrin 13033, sipas autoriteteve. Bizneseve nuk do t’i lejohet të vendosin muzikë, për të parandaluar mbledhjen e njerëzve për ta dëgjuar, si dhe do të duhet të mbyllen nga ora 22:45. Në nisje të Javës, është shkurtuar gjithashtu shtetrrethimi me 1 orë, duke nisur nga 23:00 deri në orën 5 të mëngjesit. Më pas, më datë 10 Maj, shkollat fillore dhe të mesme do të rihapen, me testime të detyrueshme për studentët, mësuesit dhe stafin administrativ. Ditën e Shtunë më 15 Maj, sezoni i turizmit hapet zyrtarisht, së bashku me plazhet e organizuara, ndërkohë që përfundojnë edhe kufizimet e udhëtimit brenda vendit. Autoritetet greke lajmëruan 1,391 raste të reja të koronavirusit në 24 orët e fundit, me 72 vdekje. Numri është ndikuar nga edhe nga testimi shumë më i ulët i zhvilluar. Në ventilatorë ndodhen 811 pacientë, në rritje të ulët nga java e kaluar.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.