Greta Thunberg në Davos/ “Nuk është bërë asgjë për të ulur gjurmët e karbonit”
Greta Thunberg, që ka frymëzuar një gjeneratë të re të aktivistëve për të marrë pjesë tek Forumi Ekonomik Botëror këtë vit, i bëri thirrje liderëve botëror që të dëgjojnë më shumë njerëzit e rinj. Në një panel mbi aktivizimin e të rinjve tek Forumi Ekonomik Botëror, 17-vjeçarja nga Suedia tha se pavarësisht vëmendjes botërore që ka marrë, nuk është bërë asgjë për të reduktuar emetimet e dioksidit të karbonit.
Duket se klima dhe mjedisi është tema kryesore. Megjithatë, nëse shihet me një perspektivë tjetër, nuk është bërë asgjë mbi këtë çështje, pasi emetimet e dioksidit të karbonit në botë nuk janë ulur. Shkenca dhe zëri i njerëzve të rinj nuk ndodhet në qendër të bisedës dhe duhet të jetë.
Thunberg do të mbajë gjithashtu një fjalim tek mbledhja vjetore e liderëve botërorë të biznesit dhe qeverive, ku presidenti i Shteteve të Bashkuara Donald Trump do të jetë folësi kryesor. Qindra aktivistë të rinj kanë udhëtuar në resortin e skive në Zvicër, duke ndjekur gjurmët e Thunberg.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.