Gruaja më e pasur në botë që ka arritur gjithçka me forcat e saj, jep 3 këshilla për arritjen e suksesit!

Me një vlerë neto prej 7.4 miliardë dollarësh, 48 vjeçarja Zhou Qunfei, themeluesja dhe CEO-ja e teknologjisë Lens, është gruaja më e pasur në botë që e ka vënë të gjithë pasurinë me forcën e saj.

Lindur në një fshat në provincën Hunan të Kinës Lindore, Zhou nuk kishte një fëmijëri të lehtë. Ajo humbi nënën kur ajo ishte pesë vjeç dhe babai i saj u verbua dhe humbi një gisht në një aksident në fabrikë.

Ajo kishte për të mësuar se si të mbijetojë më vete, tha ajo  për CNBC-në: “Më duhet vazhdimisht të mendoj se ku është ushqimi im i ardhshëm dhe si do ta marr atë”.

Për të fituar shkollimin, Zhou braktisi shkollën e mesme në moshën 16 vjeçare dhe shkoi në qytetin Shenzhen të Kinës Jugore për të punuar në një fabrikë që prodhonte xhamin e orëve të dorës në vitin 1986. Ajo u promovua më vonë në një rol menaxherial. Megjithatë, ajo kishte ëndrra më të mëdha.

Në vitin 1993, me 2,547.80 dollarë kursime ajo së bashku me 8 anëtarë të familjes së saj krijuan një ambient pune në një apartament me tre dhoma gjumi në Shenzen i cili shërbente si hapësirë pune dhe jetese.

Në atë apartament ajo nisi kompaninë e saj të parë dhe pas 10 vitesh Zhou kishte ndërtuar një fabrikë që krijonte lente për orët e dorës.

Por fati i saj ndryshoi në 2003 kur mori një telefonatë nga Motorola, duke pyetur nëse dëshironte të ishte një furnizuese.

Zhou pranoi ftesën e cila e ndihmoi atë të fillojë biznesin e saj ndërkombëtar. Tani CEO-ja i Teknologjisë së Lenteve, Zhou ka ndërtuar një perandori për prodhimin e xhamave për gjigandët e teknologjisë si Tesla, Apple, Samsung dhe Huawei.

Zhou ia atribuon suksesin e saj këmbënguljes së saj. “Sfida ime më e madhe ishte kur unë munda rivalë të tjerë dhe fituam kontratën me Motorola në 2003,” thotë Zhou.

Zhou sapo kishte filluar dhe kishte pak fleksibilitet në financat e kompanisë së saj, por dëshironte të siguronte marrëveshjen.

Si rezultat, Zhou tha se ajo shiti shtëpinë e saj dhe sende të tjera me vlerë për të përmbushur kërkesat e kompanisë. Megjithatë, ajo ende nuk kishte fonde dhe tha se ishte e dëshpëruar.

Zhou pranoi se ishte momenti më i errët në jetën e saj si sipërmarrëse. Por një telefonatë nga vajza e saj e tërhoqi atë në realitet. “Kuptova se për familjen dhe punonjësit e mi nuk mund të heq dorë. Unë kisha për të vazhduar.” Me ndihmën e Motorola, ajo i kapërceu çështjet financiare.

Në vitin 2004, teknologjia Lens Technology e Zhou shiti mbi 100 milionë njësi vetëm për modelin Motorola V3,  telefoni celular i sheshtë me përshëndetjen “Hello Moto”.

Në vitin 2007, xhamat e mundësuar nga Zhou mundën shitësit e tjerë kinezë të bëheshin furnizues kryesor për Apple.

Më 18 mars 2015, 22 vjet pasi filloi punëtorinë e familjes në atë apartament me tre dhoma gjumi, Teknologjia e Lenteve Zhou u bë publike. Sot, kompania është vlerësuar me 11.4 miliardë dollarë, me mbi 82.000 punonjës në të gjithë Kinën, sipas Forbes.

Këto janë 3 këshilla të vlefshme që Zhou jep për arritjen e suksesit në jetë:

1. Përgatituni mirë
2. Ruani entuziazmin
3. Mos u dorëzoni lehtë

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.