Gruaja që nuk ndjen dhembje – Vetëm dy njerëz në botë kanë sëmundjen e rrallë

Një grua britanike thotë se asnjëherë nuk ndien dhembje dhe se e kupton që lëkura e saj po digjet, vetëm kur ndjen erën e keqe. Jo Cameron ka një mutacion mjaft të rrallë gjenetik që e ndalon atë që të ndjejë dhembje. Ajo është vetëm një ndër 2 njerëzit  e vetëm në botë me një ç`rregullim të tillë. 71-vjeçarja nga Inverness ishte 65 vjeç kur e kuptoi për herë të parë se ishte ndryshe nga të tjerët.

Asokohe, mjekët u çuditën pasi ajo nuk kishte nevojë për qetësues pas një ndërhyrje kirurgjikale serioze. Pas një operacioni serioz në dorë, ajo nuk ndiente asgjë. Anestezisti e referoi këtë te gjenetistët e dhembjeve në universitetin e Oxfordit dhe pas testeve të ndryshme u arrit në përfundimin shkencor.

Përfundimi i testeve është i qartë dhe tregon se, ndryshe nga ne të tjerët, britanikja nuk ndien asnjë lloj dhembje. Shkencëtarët shpresojnë se ky çrregullim i Cameron të shërbejë për kërkime të mëtejshme të cilët mund të çojnë në trajtimet e sëmundjeve që kanë dhembje kronike.

Roel Korkut/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.