Grupet e gjakut, jo më problem! – Zbulohen enzimat që konvertojnë grupet e gjakut A dhe B në 0
Në situata emergjente shpesh ka nevojë për grupin zero të gjakut, i cili mund të merret nga të gjithë (donator universal). Në bakteret e zorrëve tek njerëzit janë zbuluar disa enzima të afta për të transformuar gjakun e tipit A dhe B në gjak të tipit 0.
Karakteristikat e katër grupeve kryesore të gjakut (A, B, AB, 0) janë të trashëguara dhe varen nga prania ose mungesa, në sipërfaqen e qelizave të kuqe të gjakut, e proteinave specifike ose antigjeneve, të cilat njihen nga sistemi imunitar dhe reagojnë me antitrupa të ndryshme. Tek grupi 0, qelizat e kuqe të gjakut nuk kanë antigjene në sipërfaqe dhe prandaj ky tip gjaku pranohet nga çdo organizëm, pavarësisht nga grupi i gjakut që ata kanë. Nga ana tjetër, subjektet A kanë proteinën A, në membranën e qelizave të tyre të kuqe të gjakut dhe antitrupat anti-B të plazmës; ndërkohë që subjektet B paraqesin në membranën e qelizave të kuqe të gjakut proteinën B dhe antitrupat anti-A të plazmës.
“Nëse ju mund të hiqni këto antigjene, të cilat janë sheqerna të thjeshta, atëherë mund të bëhet i mundur konvertimi i gjakut të tipit A dhe B në gjakun e tipit 0,” thotë Stephen Withers (Universiteti i British Columbia, Kanada), një nga autorët e studimit. Kjo ka qenë prej kohësh një qëllim për shkencëtarët, por deri më tani nuk ishin gjetur enzima efikase dhe të sigurta për ta sjellë operacionin në përfundim.
Hulumtuesit u përqendruan tek enzimat e nevojshme për të hequr sheqernat dhe për të lënë vetëm pjesën që ata kishin nevojë dhe gjeti disa të enzima të afta për të shkëputur antigjene nga qelizat e kuqe të gjakut në një mënyrë shumë efikase – 30 herë më shumë se kandidatët e mëparshëm. Sipas Withers, këto enzima janë kandidatë shumë premtues për kthimin e grupeve të ndryshme të gjakut në donator universalë, por si gjithmonë, do të nevojiten kërkime të mëtejshme para se të arrihet në një përfundim.
e.t/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.