Grupmoshat më në rrezik të infektimit/ Studimi: Meshkujt e rinj, kryesorët. Nxitës të “heshtur” të infeksioneve 

Meshkujt e rinj mund të jenë më në rrezik të infektimit me Covid-19 se sa dihet aktualisht, sipas hulumtuesve, që përmendën modele kompjuterike. Infeksionet me koronavirus tek grupmoshat e reja po i shpëtojnë “radarëve” dhe burrat e rinj në veçanti mund të jenë nxitës të heshtur të infeksioneve tek të moshuarit, sipas një ekipi hulumtues kanadez.  Të moshuarit janë në rrezik më të lartë të Covid-19 dhe të rezultateve të këqija, e për rrjedhojë përpjekja e vaksinimit është përqëndruar tek ata përpara se të përfshijë grupmoshat e reja.

Studimi i ri sugjeron se normat e larta të infeksionit të raportuara tek të rmoshuarit mund të rezultojnë pjesërisht nga testimi më i shpeshtë tek ky grup si pasojë e sëmundjes më të ashpër.  Duke përdorur historikun e të gjithë testeve PCR të SARS-CoV-2 në Ontario, Kanada, mes Marsit dhe Dhjetorit 2020, ekipi kanadez zhvilloi modele statistikore për të analizuar nëse ndryshimet në normat e infeksionit mes  grupmoshave të ndryshme, ndikohen nga frekuenca e testimeve.

Pas përshtatjes së të dhënave për frekuencën e testimeve, rreziku i infeksionit ishte më i ulëti tek fëmijët nën 10 vjeç dhe tek të moshuarit mbi 80-vjeç, krahasuar me popullsinë e përgjithshme, sipas hulumtuesve.  Norma e infeksionit ishtë më e larta tek adoleshentët dhe të rriturit në moshë 20-49 vjeç, veçanërisht tek adultët e rinjë meshkuj. “Ajo që shohim tek pandemia është maja e ajsbergut, dhe pjesa më e madhe e këtij ajsbertu është tek njerëzit e rinj”- theksuan hulumtuesit.

Klevis Llaha/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.