Hakerat po sulmojnë mjekët që luftojnë Covid-19 / Paralajmërimi i zyrtarëve amerikan dhe britanik shoqërohet me këshilla sigurie

Punonjësit e shëndetësisë dhe hulumtimit mjekësor që luftojnë pandeminë e koronavirusit janë duke u shënjestruar nga grupe të përparuara hakimi, paralajmëruan zyrtarë e sigurisë në SHBA dhe Mbretërisë së Bashkuar këtë javë.

“Agjencitë e sigurisë në Mbretërinë e Bashkuar dhe Shtetet e Bashkuara kanë identifikuar fushata të dëmshme kibernetike në shënjestër të organizatave të përfshira në përgjigjen e koronavirusit,” thanë Qendra Kombëtare e Sigurisë Kibernetike e Mbretërisë së Bashkuar (NCSC) dhe Agjensia e Sigurisë Kibernetike dhe Siguria e Infrastrukturës e SHBA (CISA) në një deklaratë e përbashkët.

Synimi i tyre? Informacioni!

Më saktësisht, thuhet se hakerat synojnë, “pjesën më të madhe të informacionit personal, pronësinë intelektuale dhe inteligjencën”. Lloji i hakerave të përfshirë – të ashtuquajturat grupe kërcënimi të vazhdueshëm – janë ndër më të frikshmit në botën e sigurisë në internet.

Gjigandi i rrjetit Cisco Systems përshkruan sulmet si, “një sulm i fshehtë kibernetik në një rrjet kompjuterik ku sulmuesi fiton dhe mban hyrje të paautorizuar në rrjetin e synuar dhe mbetet i pazbuluar për një periudhë të caktuar kohore.”

Si përgjigje, zyrtarët e sigurisë amerikane dhe britanike i kërkuan stafeve të kujdesit shëndetësor dhe hulumtimit mjekësor në të gjithë botën të ndërmarrin dy masa kryesore për sigurinë kibernetike:

“Ndryshoni çdo fjalëkalim që mund të mendohet në mënyrë të rastësishme me një të krijuar me tre shkronja pa lidhje me njëra-tjetrën dhe implemetoni verifikimin me dy shkallë sigurie.”

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.