Hammond për Brexit: Refuzon thirrjet për t’u përgatitur sikur nuk do të ketë marrëveshje

Ministri britanik i Financave, Philip Hammond, refuzoi thirrjet për të nisur shpenzime mbi planin se nuk do të ketë një marrëveshje për Brexit, në mënyrë që të vendosë presion në negociatat me Bashkimin Europian.

Negociatat për kushtet e daljes së Britanisë dhe për marrëdhënien e ardhshme me Bashkimin Europian, kanë patur progres të dobët.

Kjo ka sjellë thirrje nga ligjbërësit britanikë që të tërhiqen nga bisedimet dhe të nisin përgatitjet për një dalje të “pastër” nga blloku. Hammond tha se Qeveria po planifikon të gjitha mundësitë, përfshirë daljen e Britanisë pa marrëveshje.

Ai i bëri thirrje Brukselit që të nisin bisedimet mbi marrëveshjet tranzitore dhe afatgjata. Megjithatë, ai hodhi poshtë idenë që Britania duhet të nisë me planet emergjencë, përfshirë rritjen e shpenzimeve për të fuqizuar kufijtë.

“Shumë ligjbërës po bëjnë thirrje që unë të shpenzojë para thjestë për të dërguar një mesazh drejt Bashkimit Europian. Mendoj që ata janë në dijeni për këtë”, tha Hammond.

Hammond konsiderohet si një nga anëtarët pro-Bashkimit Europian i kabinetit të Theresa May dhe shumë politikanë e kanë akuzuar për zbutjen apo ndalimin e daljes së Britanisë.

Ai tha ministrat janë pro planit të Theresa May për një periudhë të tranzicionit pas Marsit 2019, megjithatë shtoi se bisedimet duhet të vazhdojnë ne lidhje me faturën që vendi duhet të paguajë.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.