Hapen aplikimet për IPARD-in, Peleshi: 94 mln euro në ndihmë të fermerëve

Në mes të muaj maj do të hapen aplikimet për përfitime nga programi  IPARD-i. Këtë fakt e ka bërë të ditur Ministri i Bujqësisë në një takim me fermerët në qarkun e Vlorës.

Sipas Ministrit Niko Peleshi ka tre masa që mbështetet IPARD-i, investimet në fermë, investime në përpunim, agropërpunim, përpunimin e peshkut, akuakulturës dhe masa e tretë është diversifikimi i ekonomisë, ku futet agroturizmi, përpunimi i bimëve medicinale.

Thirrja do të qëndrojë dy muaj e hapur dhe për të gjithë aplikuesit do të ofrohet asistencë nga ekspertët nëse do të jetë e nevojshme.

Sipas Ministrit të Bujqësisë fermerët duhet të tregohen të kujdesshëm në mënyrë që të përfitojnë nga fondi i IPARD që është në vlerën e 94 milionë euro.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.