Hapen sot aplikimet për Lotarinë Amerikane – Kushtet dhe udhëzimet që duhet të ndiqni
Hapen ditën e sotme aplikimet për Lotarinë Amerikane. Duke nisur nga data 3 tetor, ora 18:00 e deri në datën 6 nëntor të gjithë të interesuarit mund të aplikojnë për Programin e Vizave të Lotarisë.
Ambasada Amerikane ka publikuar në faqen zyrtare të saj edhe udhëzimet që duhet të ndjekin qytetarët gjatë aplikimit online për regjistrimin e lotarisë, i cili mund të kryhet në dvlottery.state.gov.
Sipas ligjit të Emigracionit të Shteteve të Bashkuara çdo aplikant duhet të ketë të paktën një arsim të shkollës së mesme ose ekuivalentin e saj, ose brenda pesë viteve të fundit të ketë dy vjet përvojë pune në një profesion që kërkon përvojë ose trajnim të paktën dy vjet.
Aplikantët duhet të kenë mbushur moshën 18 vjeç për t’u regjistruar, në rast të kundërt s’kualifikohen menjëherë.
Pas regjistrimit, aplikantët duhet të ruajnë numrin e konfirmimit që marrin në përfundim të aplikimit.
Më pas, duke nisur nga data 7 maj 2019, ata mund të përdorin numrin e tyre unik për të parë nëse janë përzgjedhur duke kontrolluar onilne Kontrollin e Statusit të të Regjistruarve në adresën online dvselectee.state.gov. Të përzgjedhurit do të njoftohen më pas mbi datën e takimit për vizë vetëm përmes Kontrollit të Statusit të të Regjistruarve.
Departamenti i Shtetit i SHBA-së këshillon të gjithë aplikantët që të kenë kujdes me skemat mashtruese gjatë aplikimit online.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.