Hapen zyrat e Lufthansës në Shqipëri, Rama: “Presim rritje të investimeve gjermane në të ardhmen”
Kompania e njohur gjermane Lufthansa Industry Solution ka hapur zyrat e saj në Tiranë, kryeministri Edi Rama ka marrë pjesë në cerenominë hapjes duke thënë se ky investim ëstë shumë I rëndësishëm, ndërsa pret në të ardhmen edhe investime të tjera gjermane.
“Është vërtetë prekëse që zhvillimi njerëzor dhe profesional i këtyre të rinjve shqiptarë ndodh këtu në zemër të Tiranës falë këtij investim fantastik të Lufthansës, falë këtij angazhimi të kompanisë në Shqipëri dhe falë këtij ndërveprimi shumë të dobishëm, jo vetëm në aspektin e mirëfunksionimit dhe zhvillimit të kompanisë, por edhe të rritjes profesionale të këtyre të rinjve.” – u shpreh kryeministri i Shqipërisë.
“Ne kemi investuar jo vetëm për hapësirën e dhomave dhe për cilësinë e punës, por edhe do ta zhvillojmë më tej me plane të tjera, të cilat për ne janë shumë optimiste dhe këto do të realizohen sapo të kalojmë fazën e parë të COVID-19 dhe shpresojmë brenda dy viteve t’i përmbushim këto plane.” – Bert Apel drejtori i përgjithshëm i Lufthansa Industri Solutions
Në këtë qendër, janë të punësuar rreth 200 persona në fushën e informatikës, për kompaninë e njohur ajrore me flamurin gjerman.
Arbër Hitaj / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.