Hapet aplikimet për t’u bërë pjesë e Këshillit Kombëtar të Integrimit Europian – Kriteret dhe afati i fundit
Kuvendi i Shqipërisë ka hapur thirrjen për aplikim për t’u bërë pjesë e Këshillit Kombëtar të Integrimit Europian, si struktura më e lartë këshillimore kombëtare për integrimin europian.
Për t’u bërë pjesë e këtij Këshilli, duhet që fillimisht të interesuarit të paraqesin një letër interesi e cila duhet të përmbajë:
- Të dhënat e organizatës
- Fushat e ekepsertizës
- Listën e raporteve/studimeve/analizave/fushave/ projekteve të zhvilluara në 3 vitet e fundit që lidhen me çështjet e integrimet europian
- Kapitullin/kapitujt e asquis në të cilën mund të kontribuojnë (1 OSHC mund të aplikojë si anëtare në 1 apo maksimumi 4 kapitur të asquis)
- Anëtarësimi në rrjete/kloalicione kombëtare/rajonale/ndërkombëtare
- Platformën për kontributin që ofron ë Këshillin Kombëtar të Integrimit Europian
- Dorëzimin i letrës së interesit mund të bëhet brenda datës 22 maj 2019 në adresën elektronike [email protected].
Bazuar në Rregulloren e KKIE, përfaqësuesit e organizatave të shoqërisë civile përzgjidhen nga Kryetari dhe Zëvendëskryetari i Këshillit, ndërmjet organizatave që aplikojnë pranë Sekretariatit Teknik për të marrë pjesë në takime, për një periudhë 2-vjeçare.
Në përzgjedhje përparësi u jepet atyre organizatave që kanë vazhdimësi në veprimtarinë e tyre dhe ofrojnë ekspertizë në lidhje me çështjet e integrimit evropian. Përzgjedhja do të bëhet në bazë të ekspertizës së tyre me legjislacionin dhe politikat e Bashkimit Europian.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.