Hapet tenderi/ Transformohen 3 rrugët e rëndësishme të Shkodrës. Detajet
Bashkia e Shkodrës ka hapur tenderin për projektimin e Rikonstruksioni të 3 rrugëve të qytetit. Fondi limit është 1milionë lekë ndërsa afati për aplikimet është data 10 prill 2020.
Rikonstruksion Rruga e “Dalmaces”
Bashkia Shkodër, me fondin e vënë në dispozicion nga të ardhurat e saj, kërkon të realizojë projektin për objektin: Rikonstruksion Rruga e “Dalmaces”.
Rruga me gjatësi 360 ml është e rrethuar me shtëpi private dhe magazina 2 – 3 katëshe.
“Do të hartohet projekti për objektin: Rikonstruksion Rruga e “Dalmaces” në tërësinë e vet duke përfshirë si infrastrukturën rrugore ashtu dhe infrastrukturën nëntokësore (kanalizime K.U.B.- rrjeti i kanalizimeve të ujërave të bardha, kanalizime K.U.Z.-rrjeti i kanalizimeve të ujërave të zeza, ujësjellës, rrjet telekomunikacioni, rrjet të furnizimit me energji elektrike), ndriçim, trotuare, gjelbërim, parkim etj.) Qëllimi i projektit konsiston në përmirësimin e mjedisit urban, krijimin e hapësirave më miqësore për funksionimin e kësaj rruge si infrastrukturë e mirëfilltë bashkëkohore dhe kthimin e saj në shërbim të komunitetit. Ndërhyrja në rrjetin nëntokësor, mbitokësor, në ndriçim dhe në gjelbërim, rrit cilësinë dhe sigurinë e jetës së banorëve. Përfituesit direkt të projektit janë 200 banorët e zones” shkruhet në dokumentet e tenderit.
Vlera limit e parashikuar për zbatimin të projektit për objektin: Rikonstruksion Rruga e “Dalmaces” është 6,016,000 Lekë me T.V.SH. Kosto totale e ndërhyrjes do të jepet nga preventivi përfundimtar i objektit.
Rikonstruksion Rruga “Mehmet Shpendi”
Bashkia Shkodër, me fondin e vënë në dispozicion nga të ardhurat e saj, kërkon të realizojë projektin për objektin: Rikonstruksion Rruga “Mehmet Shpendi”. Sipërfaqja totale është 3700 m2.
Qëllimi i projektit konsiston në përmirësimin e mjedisit urban, krijimin e hapësirave më miqësore për funksionimin e kësaj rruge si infrastrukturë e mirëfilltë bashkëkohore dhe kthimin e saj në shërbim të komunitetit. Përfituesit direkt të projektit janë 1200 banorët e zonës.
Vlera limit e parashikuar për zbatimin të projektit për objektin: Rikonstruksion Rruga “Mehmet Shpendi” është 18 milionë e 859 mijë Lekë me T.V.SH. Kosto totale e ndërhyrjes do të jepet nga preventivi përfundimtar i objektit.
Rikonstruksion Rruga “Imzot Zef Simoni”
Bashkia Shkodër, me fondin e vënë në dispozicion nga të ardhurat e saj, kërkon të realizojë projektin për objektin: Rikonstruksion Rruga “Imzot Zef Simoni”.
Rruga me gjatësi 75 ml është e rrethuar me shtëpi private dhe magazina 2 – 3 katëshe.
Qëllimi i projektit konsiston në përmirësimin e mjedisit urban, krijimin e hapësirave më miqësore për funksionimin e kësaj rruge si infrastrukturë e mirëfilltë bashkëkohore dhe kthimin e saj në shërbim të komunitetit.
Ndërhyrja në rrjetin nëntokësor, mbitokësor, në ndriçim dhe në gjelbërim, rrit cilësinë dhe sigurinë e jetës së banorëve. Përfituesit direkt të projektit janë 70 banorët e zones.
Vlera limit e parashikuar për zbatimin të projektit për objektin: Rikonstruksion Rruga “Imzot Zef Simoni” është 3 milionë e 663 mijë lekë me T.V.SH. Kosto totale e ndërhyrjes do të jepet nga preventivi përfundimtar i objektit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.