“Hard Brexit”, skenari i Qeverisë – “Ndërprerje e barnave dhe ushqimeve. Kaos nëpër rrugë”

Brexit pa marrëveshje do të bllokojë itenerarët tregtarë, ndërpresë furnizimet e barnave dhe të ushqimeve, ndërkohë që do të ketë edhe protesta në të gjithë Britaninë, sipas skenarit më të keq të publikuar nga Qeveria britanike.   Planifikimet e Qeverisë për Brexit pa marrëveshje, të ashtuquajtura “Operacioni Çekici i Verdhë”, janë përgatitur pak ditë pasi Boris Johnson u bë Kryeministër.   Skenarët u publikuan me kërkesën e deputetëve që akuzojnë Johnson se fsheh pasojat e vërteta kaotike të daljes pa marrëveshje.

Sipas dokumentit, gatishmëria e publikut dhe bizneseve pritet të jetë e dobët, pjesërisht prej pasigurisë politike.  Kamionët mund të duhet të presin në 2-3 ditë për të kaluar Kanalin Anglez.   “Furnizime të caktuara me ushqime do reduktohen dhe ekziston rreziku i blerjes nën panik, që do të shteronte gjithë inventarët” shkruante dokumenti.   Deputetët e opozitës kaluan ligjin javën e kaluar që detyrojnë Johnson të vonojë Brexit nëse nuk ka marrëveshje.

Johnson ka thënë se kërkon zgjedhje të përgjithshme sa më shpejtë për të kaluar ngërçin.   Dokumenti bën gjithashtu të ditur se fluksi i trafikut në Kanalin Anglez do të bjerë me 60% në ditën e parë.  Shërbimet financiare përtej kufijve do të ndikohen si dhe ndarja e informacionit mes policisë dhe shërbimeve të sigurisë.   Dalja e e Britanisë me marrëveshje, do të lejonte vendin që të ruajë marrëdhënien ekzistuese tregtare gjatë një periudhe të tranzicionit, ndërkohë që arrin një dakordësi të ardhshme me Bashkimin Europian.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.