Harry Kane në kartëmonedhat 5 paundëshe – Kush i gjen siguron 50 mijë stërlina
Fytyra e sulmuesit të Anglisë është përjetësuar në një grup të vogël kartëmonedhash 5 paundëshe, të cilat janë shpenzuar në katër vende të ndryshme në të gjithë Mbretërinë e Bashkuar.
Graham Short, një mikro-gdhendës nga Birmingham, i njohur si një lider botëror në fushën e mikro-artit, ka gdhendur një portret 5 milimetra të kapitenit të Anglisë në gjashtë kartëmonedha, në njohje të gjashtë golave që Kane shënoi në Botëror, duke siguruar Këpucën e Artë.
Sipas Short, dizajnet e tij janë siguruar për një vlerë prej 50 mijë paundësh, e cila është edhe shuma minimale që mund të shitet në ankand një prej kartëmonedhave, nëse ato do të gjenden nga fansat me fat.
Një kartëmonedhë i është dorëzuar Federatës së Futbollit, një tjetër Harry Kane, ndërsa të tjerat janë shpenzuar në Skoci, Angli, Uells dhe Irlandën e Veriut.
“Po shihja Kupën e Botës, si shumë të tjerë, dhe dukej se Harry Kane do të fitonte Këpucën e Artë, çka ishte shumë emocionuese. Kur e fitoi, mendova se do të ishte fantastike sikur ta shënoja këtë duke vendosur portretin e tij në një kartëmonedhë 5 paundëshe, ndaj ia nisa punës”, u shpreh Graham Short.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.