HARTA/”Ngrin” dhënia e tapive për tokat në 12 bashki nga Shkodra në Konispol! Lista e zonave që preken nga vendimi
Qeveria ka vendosur të pezullojë përkohësisht çdo procedurë kalimi në pronësi të përfituesve të tokës bujqësore të ish ndërmarrjeve shtetërore dhe procesin e regjistrimit të akteve të marrjes së tokës në pronësi, në zonat ku janë planifikuar investimet strategjike. Vendim i publikuar në faqen e Këshillit të Ministrave e menjëherë edhe në Fletoren Zyrtare për të marrë fuqi ligjore, parashikon pezullimin e çdo procedure, pavarësisht statusit të saj, raporton portali ekonomik SCAN.
Nga vendimi preken 12 bashki të cilat kanë në administrim vijën bregdetare të vendit, e cila tashmë është përfshirë në procesin e verifikimit nga një Task-Forcë e posaçme që do të bëjë inventarizimin e pasurive që mund të bëhen pjesë e planit për tërheqjen e investimeve strategjike. Të gjithë pronat shtetërore të shtrira në një brez prej 1.5 kilometra distancë nga bregdeti do të vendosen në një regjistër të veçantë.
Bashkitë ku do të ndërpritet procesi janë bashkitë Shkodër, Lezhë, Kurbin, Durrës, Kavajë, Rrogozhinë, Divjakë, Fier, Vlorë, Himarë, Sarandë dhe Konispol
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.