Hedhje vezësh mbi turistët në Barcelonë – Banorët vendas të zemëruar me vizitorët

Barcelona ka disa kohë që e ka bërë të qartë se turistët nuk janë më të mirëpritur. Madje kryebashkiaku Ada Colau mori masa për frenimin e praktikave që dëmtojnë  vendasit.

Ai ka ndaluar hapjen e hoteleve të reja në qendër të qytetit si dhe ka ndaluar dhomat me qira të palicensuara nëpërmjet platformave të tilla si Airbnb Inc.

Por tashmë gjendja është shndërruar në kritike, ku vendasit i hedhin vezë turistëve dhe veprime të tjera të cilat tregojnë mërzi dhe zemërim.

Edgar Torras, kur 17 vite më parë filloi të sillte turistë e krijoi turet e para, banorët vendas e falenderonin por tashmë gjërat kanë ndryshuar.

“Papritur, duket se ne jemi armiku”, shprehet Torras, themelues i Barcelona Segway Glides për Bloomberg.

Disa spanjollë kanë filluar t’i shohin turistët gjithnjë e më shumë si një barrë dhe jo më si një ndihmë ekonomike.

Muajin e kaluar, të rinj të maskuar sulmuan një autobus turistik në qytet dhe një protestë kundër të ardhurve do të zhvillohet në vendpushimin Basque të San Sebastionait të enjten.

Spanja e cila është destinacioni turistik më i madh në botë pas Francës dhe SHBA, nga këto trazira mund ta humbasë këtë status dhe qeveria ka filluar të shqetësohet për këtë fakt.

Turizmi përbën rreth 13 për qind të të gjitha vendeve të punës në Spanjë. Numri i vizitorëve të huaj do të rritet në 12 për qind këtë vit, duke vendosur një rekord prej 84 milion.

“Është një nga sektorët që po e shtyn ekonominë tonë sot dhe ne duhet ta kujdesemi dhe ta mbështesim atë,” tha kryeministri Mariano Rajoy .

“Nëse njerëzit vijnë këtu është për shkak se ata pëlqejnë Spanjën”.

“Nëse shkoni në një nga lagjet e prekura të Barcelonës atëherë ju do ta kuptoni zemërimin, tha Jordi Alberich, drejtori i një shoqate biznesi me qendër në Barcelonë.

Ka patur shumë vetëkënaqësi për sa i përket kostos së turizmit dhe tani modeli është shumë i vështirë për t’u ndryshuar.

Sipas Ministrisë së Punëve Publike, deri më tani, 3.6 milionë pasagjerë vetëm nga lundrimi erdhën në portet spanjolle në gjysmën e parë të vitit 2017, dyfishi i një dekade më parë.

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.