Hendeku i besueshmërisë – Sondazhi, 72% e qytetarëve mendojnë se politika nuk i përgjigjet
Qytetarët nuk besojnë se politika është e angazhuar për zgjidhjen e problemeve të tyre. Ky është rezultati i sondazhit të kryer nga Qendra Shqiptare për qeverisjen e mirë, ku 72% e të anketuarve kanë thënë se politika nuk i përgjigjet qytetarit.
Ky sondazh u bë publik gjatë një tryezë të organizuar nga Free Market Road Show dhe Albanian Enterprise Institute.
Sipas ekspertëve ajo që mbetet shqetësuese është se mungesa e vlerave dhe lirisë politike e ekonomike çojnë në hezitimin e të rinjve për tu angazhuar në këto dy sektor.
Ndërsa Gjergj Bojaxhi thekson se në vendin tonë mungon zbatimi real i ligjit duke lënë hapësira për korrupsion.
Lidhur me rezultatet e këtij studimi ajo që vihet re është se për një kohë të gjatë ky hendek i besueshmërisë nuk ka ndryshuar, pavarësisht zhvillimeve politike apo ekonomike.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.