Hendeku i pagave në Britani – Shefat fitojnë në 3 ditë pagën mesatare vjetore të britanikëve

Shefat ekzekutivë të kompanive më të mëdha të listuara në Mbretërinë e Bashkuar, fitojnë pagën vjetore të një punëtori mesatar brenda 3 ditëve të punës, sipas të dhënave të Institutit të Personelit dhe Zhvillimit (ICPD). Shefi i zakonshëm i një prej kompanive që përbëjnë indeskin FTSE 100,  arrin pagën mesatare vjetore prej 29,000 paund në orën 5 të pasdites më datë 6 Janar.

Megjithatë, krahasuar me vitin e mëparshëm, koha e kalimit të kësaj shume është më e gjatë. Vlerësimi bazohet tek fitimi mesatar i shefave prej 3.46 milionë paund në vitin 2018,  ç’ka tregon se atyre u duheshin 33 orë pune për të arritur pagën mesatare të atij viti. Hulumtimi vjen në një kohë kur firmat e mëdha të listuara në bursë përgatiten për rregulla që detyrojnë tansparencë më të madhe në lidhje me pagat e punëtorëve.

Duke nisur nga ky vit, kompanitë me më shumë se 250 persona staf do të duhet të raportojnë hendekun në të ardhura mes shefave dhe punëtorit të zakonshëm.   Qeveria britanike përmendi këto të dhëna në nisje të javës, duke thënë se paga mesatare e shefave të mëdhenj ka rënë me thuajse 25% nga viti 2012. “Situata është ende shqetësuese, veçanërisht në rastet ku shefat kanë marrë shpërblim, pavarësisht se kanë dështuar t’i shërbejnë punëtorëve dhe klientëve”, tha sekretarja e biznesit, Andrea Leadsom.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.